Хамгийн сайхан нийслэлээр Парис тодорчээ

"Forbes" сэтгvvлээс хот тєлєвлєлт, архитектур болон дизайнераараа хамгийн алдартай нийслэлvvдийг нэрлэжээ. Энэхvv жагсаалтын нэгдvгээрт, Францын нийслэл Парис орсон байна. Мэргэжилтнvvд Эйфелийн цамхаг болон Есинейн талбайг алдартай дурсгалт газруудыг зvй ёсоор vнэлжээ. Тvvнээс гадна Парист дэлхийн хамгийн шилдэг зочид буудлуудын нэг "Ritz" байдгийг санаж байгаа байх. Энэ буудлын барилга нь хагас зуун жилийн тvvхтэй юм.

Энэхvv хот нь МЭЄ 300 оны vед Сена мєрний эрэг дээр Сите хэмээх жижиг арал дээр vvсчээ. Паризеев хэмээх галлийн омгийнхон уг хотыг vндэслэсэн учир Парис гэж нэрлэсэн тvvхтэй. Францын нийслэлийн Парис єдгєє 2.2 сая хvн амтай. Мєн дэлхийн бусад хотуудаас жуулчдын тоогоороо єндєрт ордог байна. Статистик судалгаагаар Парис жилд 80 сая жуулчин хvлээн авдаг ажээ. Парисын талаар ярихад алдарт Луврын музейг хэлэхгvй єнгєрєх аргагvй юм. 1971 оны тавдугаар сарын 6-нд дэлхийд алдартай Луврийн музейг урлагийн тєв музей болгох шийдвэр гаргаснаар одоог хvртэл урлаг сонирхдог хvмvvсийн очих дуртай газрын нэг болжээ. Лувр гэдэг нь єлєгчин чоно гэсэн франц vгнээс гаралтай. Одоогийн Луврийн музей байгаа газар нэгэн єлєгчин чоно байсан хэмээх домогтой холбон vздэг юм. Уг музей Ришелье, Сюлли, Денон хэмээх гурван жигvvртэй бєгєєд 31 том танхим, 300 гаруй шилдэг адуутай. Дэлхийн улс бvрийн эмээл, тохом зэрэг морьтой холбоотой бvх хэрэгсэл байдаг. Музейг vндэслэгч Ив Биенаме нь морь сургагч багш, профессорын цолыг 25 насандаа хvртэж байсан алдартан. Энэ музейг жилдээ 150 мянган хvн vздэг ажээ. Францад Ерєнхийлєгчийн ордон, элчин сайдын яам нь хvртэл музей шиг vнэхээр гайхалтай барилгуудтай. Энэ нь эртний хаад ноёдын орд харш байсан уран барилгын баримал их байдагтай холбоотой. Харин дэлхийн долоон гайхамшгийн нэг болох Эйфелийн цамхгийг Францын хувьсгалчдын 100 жилийн ойд зориулан бариулж байсан. Эйфелийн цамхаг нь 15 000 тємрийн хэсэг, 40 тонн будаг, 2.5 сая хадаас, боолт оржээ.

1909 онд цамхагийг буулгах шахсан боловч тэр vед дээр нь байрлуулсан антен нь цэргийн болон бусад хэдэн чухал зорилгоор ашиглагдаж байсан учраас хэвээр нь vлдээсэн байна. Харин одоо Парисыг Эйфелийн цамхаггvйгээр тєсєєлєхийн аргагvй билээ. Жилдээ таван сая гаруй, харин баригдсанаас нь хойш 200 сая гаруй жуулчид ирж энэхvv аварга том цамхагийг vзжээ.