Үйлчлүүлэгчдийг татахад анхаарах зүйлс

Үйлчлүүлэгч бол хаан.

Харин үйлчилгээ эрхлэгчид тэдний хувьд боол нь байх нь гэсэн энгийн дүрэм бизнест үйлчилдэг.Энэ үзлээр үйл ажиллагаа явууллж буй тохиолдолд таны бизнес өргөжин дэвжиж байх болно.Учир нь таны таны үйлдвэрлэж буй бүтээгдэхүүн үйлчлүүлэгчдийн сэтгэлд хүрсэн тохиолдолд дахин хэрэглэх сэдэл бий болж,улмаар танай бүтээгдэхүүний эрэлт нэмэгдэх юм.Ингэснээрээ үйлдвэрлэгч өөрийн гэсэн хэрэглэгчидтэй болж,компанийн үйл ажиллагаа өсөн дэвжиж,зорилтот зах зээлд хүрдэг.Үйлчлүүлэгчдийн эгдүүцлийг хүргэдэг олон шалтгаан бий.

Үүнд:

-Барааны чанар муу байх

-Өнгө үзэмж,сав баглаа боодлын зохимжгүй байдал.

-Үйлчилгээний ажилтаны таарамжгүй харилцаа.

-Үйлчилгээндээ тохирохгүй өндөр үнэ.

-Үйлчлүүлэгчдийн гар дээр очих хугацаа удаан байх.

-Хор хөнөөлтэй бараа бүтээгдэхүүн

-Цаг үедээ үл нийцэх хоцрогдмол байдал.

-Ариун цэврийн шаардлага хангаагүй байх.

Дээрх хүчин зүйлсүүдээс болж үйлчлүүлэгчдийн үнэлэмж буурч,дахин хэрэглэх нь байтугай ойр орчныхоо хүмүүст бүтээгдэхүүнийг муучилж эхэлдэг.Энэ байдал нь мэдээж үйлдвэрлэгчид хүнд тусах нь ойлгомжтой.Тиймээс дээрх зөрчлүүдийг гаргахгүйг хичээн ажиллаж,үйлчлүүлэгчдийн сэтгэлд нийцсэн бүтээгдэхүүн үйлчилгээг явуулж байхыг гол зорилгоо болгон ажиллах шаардлагатай болж байна.Худалдан авагчийг өөртөө татах боломжийг нэмэгдүүлэх нь тухайн үеийн чадварын түвшингээс хамаарна.Худалдан авагчийг татах чадвар нь компанийн ашгийг урьдаас хэлж өгөхөд тусалдаг тул үйлчлүүлэгчийн үйлчилгээний программ болон чанарын амжилтыг анхаарах нь менежментийн маш чухал арга хэрэгсэл болно.Хадгалагдсан буюу байнгын худалдан авагч компанийн харилцааг хөгжүүлэхэд төдийгүй,худалдан авах үйл ажиллагааны идэвхжилт ба давтамжийг нэмэгдүүлэхэд нөлөөлнө.Үйлчилгээний чанарт сэтгэл өндөр байгаа худалдан авагч компанид үнэнч үлддэг.Хэдийгээр худалдан авагчийг хадгалах маркетингийн үйл ажиллагаа зардал өндөртэй ч түүний үр дүнг сайтар нягтлан харьцуулж үнэлэх нь чухал юм.Үйлчилгээний байгууллагуудын чанарын олон доголдол үйлчлүүлэгчдийн дайжилтын шалтгаан болдог.Тухайлбал боловсон хүчин шаардлага хангахгүй,хүлээгдэл,чирэгдэл ихтэй,ажилчдын харилцаа муу,үйлчилгээ нт ойлгомжгүй, удирдлагын буруу үйл ажиллагаа гэх мэт олон хүчин зүйл үйлчлүүлэгчийн дайжилтын үндэс болж болно.Энэ бүхнээс үйлчлүүлэгч сэтгэгдэл дундуур болж,бүх бурууг үйлчлэгч талд үүрүүлдэг.Тиймээс үйлчилгээний компаниуд хэрэглэгчийг татах өөрийн онцлогтой,сайн хөтөлбөр боловсруулж хэрэглэх нь зүйтэй.Сайн программын үр дүн ажилчдын сэтгэл ханамжинд ч мөн нөлөөлнө.Худалдан авагчийн тоо нэмэгдэх нь ажилчдын сэтгэлзүйд эерэгээр нөлөөлж,үйлчилгээ сайжруулахад ач холбогдолтой.Ямар ч доголдолгүй үйлчилгээг үзүүлэх чанартай менежмент худалдан авагчийг татах хөтөлбөрийн нэн чухал хэсэг юм.