Дэлхийн өнцөг булан бүрт ажиллаж, амьдарч буй эрдэмтэд юунаас болж үлэг гүрвэлүүд үхэж, мөхсөний жинхэнэ хариуг олтол тайвширч чадахгүй байна. Шинэ онолд итгэвэл, тэдгээр амьтдын үхлийн шалтгаан нь ямар нэгэн галт уулын дэлбэрэлт юм уу, сүүлт од бус харин жирийн нэг эрвээхэй байжээ. Ийм инээд хүрэм онолыг Брайн Свитек өөрийнхөө шинэ номд өгүүлжээ. Түүний үзэж буйгаар, ойролцоогоор 66 сая жилийн тэртээ эх дэлхий дээр ямар ч шувуу байхгүй байсан агаад харин ургамал, ногоо дэндүү их ургасан цэцэрлэгт хүрээлэн шиг байжээ. Иймэрхүү нөхцөлд эрвээхэйнүүд тун тайван үржиж, зогсоо зайгүй өсөн нэмэгдсэн гэнэ.
Харин үлэг гүрвэлүүдийн хувьд тэд идэх юмгүй болсноос болж мөхсөн байж болох талтай аж. Үлэг гүрвэлүүд нь эрвээхэйн нэгэн адил өвсөн тэжээлтэй амьтад байсан бөгөөд харин үй олон тооны тэдгээр шавьж нараас болж үлэмж биетнүүд хооллож амжихгүйгээс болж ходоодны хямралд орж байсан байх талтай гэнэ. Гэвч энэ бол тэр олон онолын зөвхөн нэг нь байна. Нөгөөтэйгүүр, өвсөн дунд тэдгээр амьтдыг мөхөлд хүргэсэн ямар нэгэн хортой ургамал бий болсноос үүдэлтэй гэх онол ч бас бий. Харин зарим эрдэмтэд хорт хавдар юм уу, артрит зэрэг өвчин өсөн нэмэгдсэнээс үлэг гүрвэлүүд мөхсөн гэж үздэг байна.
.jpg)
0 Сэтгэгдэл:
Post a Comment